نزیکەی 400 ئاوارەی دیکە لە کەمپەکانی هەولێر گەڕانەوە ناوچەکانیان

ئاڤا نیوز  

وەزارەتی کۆچ و کۆچبەرانی عێراق گەڕانەوەی نزیکەی 400 ئاوارەی نیشتەجێی کەمپەکانی سنووری پارێزگای هەولێر بۆ ناوچە ڕەسەنەکانیان لە پارێزگاکانی سەڵاحەددین و نەینەوا ڕاگەیاند.

وێنە گەورەکە: دوابەدوای فەرمانی سەرۆكوەزیران بارزانی، پرۆسەی گەڕانەوەی ئاوارەكان لە کەمپەکانی سنووری پارێزگای هەولێر بەردەوامە، تاوەکو ئێستاش چەندین خێزان گەڕانەوتەوە ناوچە ڕەسەنەکانیان.

لێدوانی فەرمی: ئیڤان فایەق جابرۆ، وەزیری کۆچ و کۆچبەران ڕایگەیاند: بە هاوکاری لەگەڵ دەسەڵاتدارانی حکومەتی هەرێمی کوردستان و نەتەوە یەکگرتووەکان 379 ئاوارەی نیشتەجێی کەمپی بەحرکە لە پارێزگای هەولێر گەڕانەوە ناوچە ڕەسەنەکانیان لە پارێزگاکانی سەڵاحەدین و نەینەوا.

زانیاریی زیاتر: ئاوارەکان گەڕانەوتەوە ناوچەکانی بەعاج لە موسڵ، کەرامەی موسڵ، گوندی تەرجلە لە حەمدانییە و قەزای بەلەد لە پارێزگای سەڵاحەددین.

لە لایەکی دیکەوە: بەهۆی ئەوەی شوێنی نیشتەجێبوونیان بەتەواوی لەدەستداوە، 150 ماڵی نیشتەجێی کەمپی بەحرکە تاوەکو ئێستا نەیانتوانیوە بگەڕێنەوە ناوچە ڕەسەنەکانیان لە پارێزگاکانی سەڵاحەدین و ئەنبار.