ئاڤا وردەکاریی سەردانی پزیشکیان بۆ هەولێر و سلێمانی ئاشکرا دەکات

ئاڤا نیوز

 

سەرۆککۆماری ئێران بڕیارە سەردانی هەرێمی کوردستان بکات و لە ئاستی باڵا لەگەڵ بەرپرسانی حکومی و حیزبی کۆببێتەوە.

 

وێنە گەورەکە: ڕۆژی 11-9-2024، مەسعود پزیشکیان، سەرۆککۆماری ئێران بە سەردانێک گەیشتە بەغدا و لەگەڵ بەرپرسانی باڵای عێراق کۆبووەوە، بەگوێرە کارنامەکەی سەردانی هەرێمی کوردستانیش دەکات.

 

لێدوانی فەرمی: سەرچاوەیەکی باڵا لە سەرۆکایەتیی هەرێمی کوردستان بە ئاڤا نیوزی گوت: بەگوێرەی کارنامەی سەردانەکەی پزیشکیان، لە بەغداوە سەردانی نەجەف دەکات، دواتر دەچێتە کەربەلا، بڕیارە ڕۆژی پێنجشەممە کاتژمێر 7:50 خولەکی بەیانی سەردانی هەرێمی کوردستان بکات.  

 

زانیاری زیاتر: پزیشکیان لە سەردانەکەی بۆ هەولێر لەگەڵ هەریەک لە سەرۆک بارزانی، سەرۆکی هەرێمی کوردستان، سەرۆکوەزیران بارزانی بە جیا کۆدەبێتەوە و پرسی گرنگ تاوتوێ دەکەن.

 

لە گۆشەیەکی دیکەوە: بەگوێرەی ئەو کارنامەی سەردانەکەی پزیشکیان، دوای هاتنی بۆ هەولێر سەردانی سلێمانیش دەکات و لەوێشەوە دەگەڕێتەوە وڵاتەکەی.

 

خاڵە ئەرێنییەکان: سەردانی پزیشکیان بۆ هەرێمی کوردستان، کاریگەری لەسەر پتەوکردنی پەیوەندییە سیاسی و دیبلۆماسی و بازرگانی و ئابووری نێوان ئێران و هەرێمی کوردستان دەبێت.