ترەمپ بەبڕی 354 ملیۆن دۆلار سزادرا

ئاڤا نیوز

 

دادگەی نیویۆرک بڕیاری دا دۆناڵد ترەمپ، سەرۆکی پێشووی ئەمریکا و بەربژێری کۆمارییەکان بۆ پۆستی سەرۆکایەتیی ئەمریکا بەبڕی 354.9 ملیۆن دۆلار سزا بدرێت، بە تۆمەتی ساختەکاری و فێڵکردن لە ئاشکراکردنی سەروەت و سامەنەکەی. 

 

ئەوەی پێویستە بیزانیت: جگە لە سزای پێبژاردنی 354 ملیۆن دۆلار، ترەمپ تاوەکو سێ ساڵی دیکە لە نیویۆرک ڕێگەی پێنادرێت بەڕێوەبەرایەتی هیچ کۆمپانیایەک بکات و قەرز لە بانکەکان وەربگرێت.

 

زانیاریی زیاتر: بڕیارەکەی دادگەی نیویۆرک دوای ئەوە دێت کە لە ماوەی 10 ساڵی ڕابردوو، ترەمپ ڕایگەیاندووە ساڵانە خاوەنی 3.6 ملیار دۆلارە بەمەبەستی ئەوەی بانکەکان "هەڵبخەڵەتێنێت" تاوەکو لە پێدانی قەرزدا مامەڵەی باشتری لەگەڵ بکەن.

 

لێدوانی فەرمی: ئارسەر ئینگۆرۆن، دادوەری دادگەی نیویۆرک ڕایگەیاند: ساختەكارییەكان لە ئاستێكی زۆردان و لە پرۆژەكانی خانووبەرەدا كراون، ئەمەش ئەگەری هەیە ترەمپ لە بەربژێری سەرۆکایەتیی ئەمریکا لە نیویۆڕک دووربخاتەوە.

 

لەلایەکی دیکەوە: ترەمپ لە بڵاوکراوەیەکدا لە پلاتفۆرمەکەی خۆی (تروز) ئینگۆرۆنی بە "ناپاک" و جەیمس، سکاڵاکاری دۆسیەکەی، بە "گەندەڵ" ناودەبات و دۆسیەکە بە دەستوەردان لە هەڵبژاردن دەزانێت.