وڵاتانی ئەوروپا هەڕەشەی سەپاندنی سزای نوێ بەسەر تاران دەکەن

ئاڤا نیوز

هاوکارییە سەربازییەکانی ئێران بۆ ڕووسیا بووەتە هۆی نیگەرانیی وڵاتانی ڕۆژئاوا، سەرکردەکانی ئەوروپا هەڕەشەی سەپاندنی سزای نوێ بەسەر تاران دەکەن.

 

وێنە گەورەکە: جۆزێپ بۆرێل، نوێنەری باڵای یەکێتیی ئەورووپا بۆ کاروباری دەرەوە و سیاسەتی ئەمنی ڕایگەیاند، بەهۆی ناردنی مووشەکی بالیستیک و فڕۆکەی بێفڕۆکەوان بۆ ڕووسیا، سزای نوێ بەسەر ئێراندا دەسەپێنن.

 

ڕاگەیێنراوی فەرمی: لە بڵاوکراوەیەکی تۆڕەکانی کۆمەڵایەتیدا، بۆرێل بەتووندی ئیدانەی ناردنی یارمەتیی سەربازی لە ئێرانەوە بۆ ڕووسیا دەکات و ڕایدەگەیەنێت، بەخێرایی سزای تووند دەسەپێنین بەسەر پرۆگرامی مووشەکیی بالیستیک و درۆنی ئێران.

 

باکگراوەند: سزاکانی یەکێتیی ئەورووپا بۆ سەر ئێران، بەهۆی پێشێلکاریی مافەکانی مرۆڤ، چالاکییە فراوانەکانی وزەی ئەتۆمی و دابینکردنی هاوکارییە سەربازییەکان بۆ ڕووسیا لە ساڵی 2011 دەستیپێکرد و تا 13ـی نیسانی 2025 درێژکرایەوە.