هەشت کۆچبەر لە کاتی پەڕینەوەیان بۆ بەریتانیا خنکاون

ئاڤا نیوز

 

ژمارەیەک کۆچبەری نایاسایی لە کاتی پەڕینەوەیان لە فەرەنساوە بۆ بەریتانیا تووشی ڕووداو دەبن و هەشت کەسیان دەخنکێن.

 

وێنە گەورەكە:  لە 03-09-2024، یەختێكی كۆچبەران لە كەناراوەكانی فەرەنساوە بەرەو كەناڵی ئینگلیز بەڕێ كەوت، 100 كۆچبەر لەناو یەختەكەدابوون، زۆربەیان هاووڵاتیی ئەفریقی بوون و بەشێكیشیان كوردبوون، پێش ئەوەی یەختەكەیان بگاتە شوێنی مەبەست، كونێک لە بنەوەی یەختەكە دروسبتووە ئەمەش بووەتە هۆی ئەوەی كە یەختەكە وەربگەڕێت و تەواوی كۆچبەرەكان بكەونە دەریاوە، ئەمڕۆش یەختێکی دیکەی کۆچبەران لە کەناڵی مانش وەرگەڕاوە و بەپێی زانیارییە سەرەتاییەکان تاوەکو ئێستا هەشت کۆچبەر گیانیان لەدەست داوە.

 

زانیاریی بەدەستهاتوو: تەنها لە ماوەی 24 کاتژمێری ڕابردوودا، 200 کەس ڕزگارکراون لەلایەن تیمی فریاگوزاری دەریای فەرەنساوە، کە بە بەلەمی بچووک هەوڵی پەڕینەوەیان داوە.

 

ئەوەی پێویستە بیزانیت: لەسەرەتای ئەمساڵەوە زیاتر لە 22 هەزار کۆچبەر لە ڕێگەی فەرەنساوە گەیشتوونەتە بەریتانیا، 37 کەسیش گیانیان لەدەست داوە.