سەرۆکوەزیران مەسرور بارزانی دوو مژدەی بۆ خەڵکی کۆیە ڕاگەیاند

ئاڤا نیوز 

 

سەرۆکوەزیران مەسرور بارزانی زەنگی دەستپێکی ساڵی نوێی خوێندنی لە کۆیە لێدا، دوو مژدەی بۆ دانیشتووانی سنوورەکە ڕاگەیاند کە بریتین لە، دەستپێکردنی پڕۆژەی دووسایدی کۆیە – هەولێر و بەقەزاکردنی شارۆچکەی تەقتەق.

 

وێنە گەورەکە: ڕێگای کۆیە – هەولێر ڕێگایەکی ستراتیژییە و ھاوکات بەشێکە لە دووسایدی ھەولێر – سلێمانی، لە ساڵی 2012 بەردی بناغەی دانراوە و دەبوو لە 2014 بە گوژمەی 360 ملیار دینار تەواو بکرێت، بەڵام بەهۆی بارودۆخی داراییەوە ڕاگیرا، لەم چەند ڕۆژە دەستپێدەکاتەوە.

 

لێدوانی فەرمی: سەرۆکوەزیران مەسرور بارزانی، لە کۆیە گوتەیەکی پێشکەش کرد و ڕایگەیاند "لە چەند ڕۆژی داهاتوودا دەست بە دووسایدکردنی پڕۆژەی ڕێگەی کۆیە - هەولێر دەکرێت، کە لە ساڵی 2012ـەوە بەردی بناغەی دانراوە و تەواو نەکراوە".

 

لەلایەکی دیکەوە: سەرۆکوەزیران مەسرور بارزانی مژدەیەکی دیکەی ڕاگەیاند، ئەویش بەقەزاکردنی شارۆچکەی  تەقتەق بوو لەپێناو خزمەتکردنی زیاتری دانیشتووانی ناوچەکە.