کەسێکی نزیکی هادی عامری لە بەغدا دەکوژرێت

ئاڤا نیوز

 

لە هێرشێکی چەکداریدا لە بەغدا کەسێکی نزیکی هادی عامری کوژرا و کەسێکی دیکەش لەگەڵیدا بریندار بووە.

 

زانیارییە بەدەستهاتووەکان: لە ناوچەی ڕاشدیەی بەغدا، دوو چەکدار بە ماتۆڕسکیلێک هێرشیان کردووەتە سەر ئۆتۆمبێلێک کە دوو کەسی تێدا بووە و دەستڕێژی گولـلەیان لێکردووە، بەهۆیەوە کەسێک کوژراوە و ئەوەی دیکەش بەسەختی بریندار بووە.

 

زانیاریی زیاتر: کوژراوەکە کەسێکی نزیک لە هادی عامری، سەرۆکی هاوپەیمانیی نەبنییەیە، دوای هێرشەکەش چەکدارەکان هەڵاتوون؛ تاوەکو ئێستا هیچ لێدوانێکی فەرمی لەبارەی ڕووداوەکەوە لەلایەن دەزگا ئەمنییەکانەوە نەدراوە.

 

لێدوانی فەرمی: سەرچاوەیەکی ئەمنیی عێراق بە ئاڤا نیوزی ڕاگەیاند، "ڕووداوەکە کاتژمێر 03:25 خولەکی دوای نیوەڕۆ بووە، تەقەکارەکانیش بەرەو شوێنێکی نادیار هەڵاتوون و تاوەکو ئێستا دەستگیرنەکراون".

 

ئەوەی لەبارەیەوە دەگوترێت: سەبری عامری، هاوڵزاوای هادی عامری، یەکێکە لە کوژراوەکانی هێرشەکەی بەغدا.