بەرەی مقاوەمەی عێراق: ئامادەین بۆ ئەگەری هێرشی ئیسرائیل

ئاڤا نیوز

 

بەرەی مقاوەمەی عێراق بۆ ئەگەری هێرشی ئیسرائیل بۆ سەریان لە عێراق دەڵێت:  لە ئامادەباشیداین.

 

وێنە گەورەکە: دوای ئەوەی سوپای ئیسرائیل لە بەیاننامەیەکدا کوژرانی دوو سەربازی خۆی لە هێرشێکی درۆنی بەرەی مقاوەمەی عێراقدا لە جۆلان و تبریا ڕاگەیاند، ئاماژەکان بۆ ئەو دەچن وەک چۆن ئیسرائیل لە وەڵامی هێرشە درۆنییەکانی حووسیەکان ژمارەیەک شوێنی لە یەمەن کردە ئامانج، ئاواش چەند پێگەیەکی بەرەی مقاوەمەی عێراق بکاتە ئامانج.

 

لێدوانی فەرمی: شبل زەیدی، سەرۆکی کەتیبەکانی ئیمام عەلی، ڕایگەیاند: مەودای ململانێکان لە ناوچەکەدا فراوان بووە، جەنگێکی قورسی درێژخایەن ڕوودەدات و عێراقیش بەشێکی دانەبڕاو دەبێت تێیدا.

 

زانیاریی زیاتر: "سەرجەم باڵەکانی بەرەی مقاوەمە ڕێوشوێنی تایبەتیان گرتوەتەبەر بۆ ئەوەی بارەگاکانیان لە ئەگەری وەڵامی ئیسرائیل بپارێزن"، زەیدی وای گوت.