کۆچ و کۆچبەرانی عێراق: 398 ئاوارەی دیکە کەمپی دیبەگە جێدەهێڵن

ئاڤا نیوز

 

وەزارەتی کۆچ و کۆچبەرانی عێراق گەڕاندنەوەی 398 ئاوارەی لە کەمپی دیبەگەی هەولێرەوە بۆ پارێزگاکانی خۆیان ڕادەگەیەنێت و دەڵێت، لە هاوکاریی دارایی حکومەت سوودمەند دەبن.

 

وێنە گەورەکە: حکومەتی عێراق بە هاوکاری هەرێمی کوردستان و ڕێکخراوی نەتەوەیەکگرتووەکان لە هەوڵەکانی بۆ داخستنی کەمپی ئاوارەکان بەردەوامە، بۆ ئەو مەبەستەش هاوکاری دارایی و کۆمەڵێک پێداویستی بۆ هەر خێزانێک دابین دەکات کە بیەوێت ئارەزوومەندانە بگەڕێتەوە بۆ ناوچەکانی خۆیان.

 

ڕاگەیێنراوی فەرمی: وەزارەتی کۆچ و کۆچبەرانی عێراق بڵاویکردەوە، ئەو 398 ئاوارەیە بۆ پارێزگاکانی کەرکووک، نەینەوا و سەڵاحەددین گەڕاونەتەوە و لە پڕۆسەکەشدا حکومەتی هەرێمی کوردستان هاوکاریان بووە.