عێراق بەهۆی هەڕەشەکانی ئیسرائیل هێزە ئەمنییەکانی پڕچەک دەکات

ئاڤا نیوز

 

بەهۆی ئەو گرژییەی لە ڕۆژهەڵاتی ناوەڕاست سەریهەڵداوە، سەرۆککۆمار و وەزیری بەرگریی عێراق جەخت لەسەر پڕچەککردنی هێزە ئەمنییە جۆراوجۆرەکان دەکەنەوە بۆ ڕووبەڕووبوونەوەی ئاستەنگە ئەمنییەکان.

 

وێنە گەورەکە: بەرەی مقاوەمەی ئیسلامی لە عێراق بۆ پشتیوانیکردن لە بزووتنەوەی حەماس و حیزبوڵڵای لوبنان بەردەوامە لە هێرشکردنە سەر ئیسرائیل، لەبەرامبەردا ئیسرائیل بەردەوام هەڕەشەی تۆڵەکردنەوە و بۆردوومانکردنی گرووپە چەکدارەکانی عێراق نزیک لە ئێران دەکات.

 

چیرۆکی سەرەکی: عەبدوللـەتیف ڕەشید، سەرۆککۆماری عێراق لە بەغدا لەگەڵ سابت عەباسی، وەزیری بەرگریی عێراق کۆبووەوە و  گرژییەکانی ڕۆژهەڵاتی ناوەڕاست و هەڕەشەکانی سەر عێراقیان تاوتوێ کرد.

 

ڕاگەیێنراوی فەرمی: نووسینگەی ڕاگەیاندنی سەرۆکایەتیی کۆماری عێراق ڕایگەیاند: جەخت لەسەر پێویستی چڕکردنەوەی هەوڵەکان لەسەر پەرەپێدانی توانای هێزە ئەمنییەکان لەڕووی پڕچەککردن و ڕاهێنان و ئامادەکردنیان کردەوە بۆ ڕووبەڕووبوونەوەی ئاستەنگە ئەمنییەکان لەژێر ڕۆشنایی ئەو گرژییانەی لە ناوچەکەدا ڕوودەدەن.