پارتی دوایین پەیامی خۆی لەبارەی هەڵبژاردن پێشکەشی خەڵکی کوردستان دەکات

ئاڤا نیوز

 

بە ئامادەبوونی سەرۆک بارزانی، پارتی دیموکراتی کوردستان لە کۆتا کەرنەڤاڵی جەماوەریدا لە هەولێر، دوایین پەیامی خۆی لەبارەی هەڵبژاردن پێشکەشی خەڵکی کوردستان دەکات.

 

وێنە گەورەکە: کاتژمێر 12ی ئەمشەو 15-10-2024 بانگەشەی هەڵبژاردنی خولی شەشەمی پەرلەمانی کوردستان کۆتایی دێت، لایەنە بەشداربووەکانی ئەو پڕۆسەیە ئەمڕۆ گرنگترین و کاریگەرترین پەیامی خۆیان بۆ دەنگدەران دەخەنەڕوو.

 

زانیاریی بەدەستهاتوو: بازنەی هەولێر 34 کورسی پەرلەمانی بۆ دانراوە کە دووانیان بۆ کۆتای کریستیان و تورکمانن، پارتی دیموکراتی کوردستان 64 کاندیدی لە سنووری لقەکانی (دوو، 10، 16، 23، 24 و  26) هەیە، کە 45 کاندیدی پیاو و 19 کاندیدی ئافرەت لەخۆدەگرێت.

 

ئەوەی پێویستە بیزانیت: لە دوایین هەڵبژاردنی پەرلەمانی کوردستان کە ساڵی 2018 کرا، پارتی 300 هەزار و 693 دەنگی لەسنووری پارێزگای هەولێر بەدەستهێنا 22 کورسی پەرلەمانی لەو سنوورە مسۆگەر کرد.