ڕێژەی گشتیی بەشداریکردن لە دەنگدانی تایبەت گەیشتووەتە 70%

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق ئاماری پێنج کاتژمێری پڕۆسەی دەنگدانی تایبەتی ڕاگەیاند، کەتیایدا تاوەکو کاتژمێر 12ـی نیوەڕۆ 150 هەزار و 545 کەس دەنگیداوە.

 

وێنە گەورەکە: بەرەبەیانی ئەمڕۆ هەینی کاتژمێر 7:00 پڕۆسەی دەنگدانی تایبەت لە هەرێمی کوردستان بەڕێوەچوو. پڕۆسەکە لە سەرجەم شار و شارۆچکەکانی هەرێمی کوردستان بەردەوامە و زیاتر لە 215 هەزار کەس مافی دەنگدانییان هەیە. 

 

زانیاریی بەدەستهاتوو: بەگوێرەی ئاماری کۆمیسیۆن ڕێژەی گشتیی بەشداریکردن لە سەرجەم پارێزگاکاندا کە 11 پارێزگا لە سەرتاسەری عێراق لەخۆدەگرێت، لە پارێزگای دهۆک بەڕێژەی 77% زۆرترین و پارێزگای واست 3% کەمترینە.

 

ژمارەکان وادەڵێن: ڕێژەی بەشداریکردن لە دەنگدانی تایبەت بەم شێوەیە:

هەولێر: 70%
سلێمانی: 67%
دهۆک: 77%
هەڵەبجە: 64%
نەینەوا: 30%
کەرکووک: 43%
دیالە: 56%
ئەنبار: 70%
واست: 3%
سەڵاحەدین: 47%
بەغدا بەرەی کەرخ: 67%
بەغدا بەرەی ڕەسافە: 57%