چیرۆکی ئەو هاونیشتمانییەی یەکەم تابلۆی ئۆتۆمبێلی ژمارە هەڵەبجەی پێبەخشرا

ئاڤا نیوز

سەرۆکوەزیران بارزانی تابلۆی ئۆتۆمبێلی ژمارە هەڵەبجەی ڕاگەیاند و یەکەم تابلۆی بەدیاری بە هاونیشتمانییەک بەخشی.

چیرۆکی سەرەکی: مەسرور بارزانی، سەرۆکوەزیرانی هەرێمی کوردستان، لە میانی سەردانەکەیدا بۆ پارێزگای هەڵەبجە سەردانی بەڕێوەبەرایەتیی گشتی هاتووچۆی کرد، تابلۆی ئۆتۆمبێلی ژمارە هەڵەبجەی ڕاگەیاند و یەکەم تابلۆی چاپکراوی بە هاونیشتمانییەک بەخشی.

زانیاریی تایبەت: ئەو هاونیشتمانییە ناوی ئومێد حەمەعەلی ڕەشید، لەدایکبووی 1973، سێ جار لە کارەساتەکانی ئەنفال، تۆپباران و کیمیاباران ڕزگاری بووە؛ سەرجەم ئەندامانی خێزانەکەی شەهید کراون، تەنیا خۆی و باوکی ماونەتەوە.