بەهۆی تەقینەوەیەک لە وێستگەیەکی شەمەندەفەر لە پاکستان 17 کەس کوژران

ئاڤا نیوز

 

بەهۆی تەقینەوەیەک لە وێستەگەیەکی شەمەندەفەر لە پارێزگای بەلووچستان لە باشووری ڕۆژئاوای پاکستان 17 کەس کوژراون و دەیان کەسی دیکەش برینداربوون.

 

لێدوانی فەرمی: محەممەد بەلوش، بەرپرسی پۆلیسی خۆجێیی ناوچەکە ڕایگەیاند: "لێکۆڵینەوە لە هۆکاری تەقینەوەکە دەکەین، بەگوێرەی ئامارە سەرەتاییەکان 17 کەس کوژراون و 46 کەسی دیکەش بریندار بوون، بریندارەکانیش گواستراونەتەوە بۆ نەخۆشخانەیەکی ناوچەکە." 

 

زانیاریی بەدەستهاتوو: تەقینەوەکە کاتێک ڕوویداوە کە گەشتیاران لە وێستگەی کویتا لە بەلووچستان چاوەڕێی هاتنی شەفەمەندەفەریان کردووە.

 

زانیاریی زیاتر: تائێستا هیچ لایەنێک بەرپرسیارێتی تەقینەوەکەی نەگرتووەتە ئەستۆ.

 

ئەمەش بزانە: لەماوەی ڕابردوودا میلیشیاکانی ئەو ناوچەیە بەردەوام پڕۆژەکانی وزەیان کردووەتە ئامانج کە لەلایەن سەرمایەی بیانییەوە پاڵپشتی دەکرێن بەتایبەت وڵاتی چین، ئەو میلیشیایانە، بیانییەکان بە قۆرخکاری سەروەت و سامانی ناوچەکە تۆمەتبار دەکەن و دەڵێن، "بیانییەکان ڕێگەنادەن خەڵکی ناوچەکە سوودیان پێ بگات".