بڕیارێکی وەزارەتی پەروەردە لەبارەی سەرژمێری گشتی

ئاڤا نیوز

 

وەزارەتی پەروەردەی حکومەتی هەرێمی کوردستان، پشوویەکی تایبەت بە مامۆستا و فەرمانبەران و قوتابیانی ناوچەکانی ماددەی 140ی دەستوور ڕاگەیاند.

 

ڕاگیێنراوی فەرمی: ڕۆژی 14-11-2024، وەزارەتی پەروەردەی حکومەتی هەرێمی کوردستان، بە ئاماژەدان بە نووسراوی ژمارە (15988)ی سەرۆکایەتی ئەنجوومەنی وەزیران و سەرۆکایەتی دیوان، چەند بڕیارێکی دەرکرد.

 

دەقی بڕیارەکە؛

 

1-سەرجەم مامۆستایان و فەرمانبەرانی وەزارەتی پەروەردە و قوتابیان کە خەڵکی ناوچەکانی ماددەی 140ی دەستوورن، پشوویان دەبێت تاوەکو 23-11-2024، ئەوەش بۆ بەشداریکردن لە پرۆسەی سەرژمێری.

 

2-ناوەندەکانی خوێندنی ناحکومی بە قوتابخانە نێودەوڵەتییەکانیشەوە پێویستە تەواوی کارئاسانی بۆ مامۆستایان و فەرمانبەران و قوتابیانی ناوچەکانی ماددەی 140 بکەن، بۆ ئەوەی بەشداری سەرژمێری بکەن.

 

3-هەر قوتابییەک لە ناوەندەکانی خوێندنی حکومی و ناحکومی بە هەموو جۆرەکانییەوە، لەو ماوەیەی دەبێتە پشوو تاقیکردنەوەیان هەبێت، پێویستە دوای گەڕانەوە لە دوای 23-11-2024 وە تاقیکردنەوەیان پێ بکرێتەوە.

 

4-ئەم فەرمانە لە ڕۆژی دەرچوونییەوە جێبەجێ دەکرێت.