لە سنووری پارێزگای هەولێر پڕۆسەی سەرژمێریی دانیشتووان دەستیپێکرد

ئاڤا نیوز

 

لە هەولێر پڕۆسەی سەرژمێری دانیشتووان بەشێوەی مەیدانی دەستپێکرد، تیمەکانی بژمێر دوای ڕاهێنان کردن، دەستیان بەکارەکانیان کرد و لە دەرگای هەموو ماڵێک دەدەن، بە تابلێتەکەی دەستیان زانیارییەکان تۆماردەکەن و لەڕێگەی ئینتەرنێتەوە دەینێرن بۆ داتاسەنتەر، بەمەش بۆ یەکەمجارە سەرژمێری بەم شێوەیە بکرێت.

 

چیرۆکی سەرەکی: پرۆسەی سەرژمێریی گشتیی دانیشتووان لە سەرتاسەری عێراق بە هەرێمی کوردستانیشەوە دەستیپێکردووە و ڕۆژانی 20 و 21ی ئەم مانگە قۆناغی کۆتایی بەڕێوەدەچێت.

 

زانیاریی زیاتر: تیمەکانی سەرژمێریی لە هەولێر کە ژمارەیان 10 هەزار بژمێرە بەوردی زانیارییەکان لەسەر ژمارەی ئەندامانی خێزان وەک قۆناغی یەکەمی پڕۆسەکە وەردەگرن.

 

ئەمەش بزانە: تابلێتەکان پڕۆگرامی تایبەت بەو کارەیان تێدایە لەلایەن چەند کۆمپانیایەکەوە پاڵپشتی دەکرێن، پرۆگرامەکان پێشتر لە وڵاتانی دیکە بۆ ئەو مەبەستە کاریان پێکراوە داتا و زانیارییەکان بەشێوەیەکی بەهێز لەدەستی هاککەران دەپارێزن.

 

بابەتە سترایژییەکان: یەکێک لە ئامانجە گەورەکانی سەرژمێری دانیشتووان؛ گەشەپێدانە ئەمەش لە ڕێگەی لێکدانەوە و شیکردنەوەی  ئامار و داتا و زانیارییەکان، دواجار بەرچاوی هەمووان ڕوون دەکاتەوە کە چۆن چارەسەری کێشەکان لە بوارە جیاوازەکاندا بدۆزنەوە بەمەش کاریگەری دەبێت لەسەر  پێشکەوتنی ئەو وڵاتە  بەشێوازێکی ڕێکخرا و زانستیانە