فڕۆکەوانێکی عێراقی بە 13 کیلۆ زێڕ دەستگیر کرا

ئاڤا نیوز

 

دەستەی دەستپاکیی فیدراڵیی عێراق فەرمانی دا لێکۆڵینەوە لە کەیسێکی گەورەی بەقاچاغبردنی زێڕ لەڕێگەی یەکێک لەفڕۆکەکانی هێڵی ئاسمانیی عێراقییەوە بکات.

 

وێنە گەوەرەکە: ڕۆژی یەکشەممە 17-11-2024 لە یەکێک لە فڕۆكەكانی هێڵی عێراقییە و لە فڕۆکەخانەی بەغدا، 13 کیلۆ زێڕ بە یاریدەدەری فڕۆکەوانەکە گیرا کە بەنیازبوو بەرەو تورکیا بیبات، بەڵام لە کاتی پشکنین ئاشکرا کراوە و دەستی بەسەردا گیرا.

 

ڕاگەیێنراوی فەرمی:بەپێی ڕاگەیێنراوی دەستەکە، محەممەد عەلی لامی، سەرۆکی دەستەی دەستپاکیی فەرمانی بە فەرمانگەی یاسایی دەستەکەیان کردووە لێکۆڵینەوە لە یەکێک لە دۆسیە گەورەکانی گەندەڵی دارایی و کارگێڕی بکات کە پەیوەستە بە قاچاخچێتی زێڕ.

 

زانیاریی زیاتر: هەر بەپێی ڕاگەیێنراوەکە لە ماددەی 14/یەکەم لە یاسای هەموارکراوی دەستەی دەستپاکی و قازانجی نایاسایی ژمارە 30ـی ساڵی 2011دا هاتووە: دادوەری لێکۆڵینەوە دەبێت بەشی یاسایی دەستە ئاگادار بکاتەوە، کاتێک دەست بە لێکۆڵینەوە لە هەر دۆسیەیەکی گەندەڵی دەکات ولە لێکۆڵینەوەکە ئاگاداری دەکاتەوە.