پلاندانانی عێراق بۆ ئاڤا: پرۆسەی سەرژمێریی بەبێ کێشە بەردەوامە

ئاڤا نیوز 

 

وەزارەتی پلاندانانی عێراق دەڵێت، ڕۆژی یەکەمی پڕۆسەی سەرژمێریی بەشێوەیەکی سەرکەوتوو و بێ هیچ کێشەیەک بەڕێوەچوو، ستایشی هەماهەنگیی باشی هاووڵاتیانیش لەگەڵ تیمەکانی سەرژمێریی دەکات.

 

وێنە گەورەکە: دوێنێ پڕۆسەی سەرژمێریی دانیشتووان لە عێراق و هەرێمی کوردستان دەستیپێکرد و ئەمڕۆش بەردەوام دەبێت، بەهۆیەوە 48 کاتژمێر قەدەغەی هاتووچۆی ڕاگەیێنراوە.

 

لێدوانی فەرمی: عەبدولزەهرە هنداوی، گوتەبێژی وەزارەتی پلاندانانی عێراق بە ئاڤا میدیای ڕاگەیاند: پڕۆسەی سەرژمێری کە گرنگییەکی ئابووری، کۆمەڵایەتی و گەشەپێدانی گەورەی هەیە، ڕۆژی یەکەمی بەشێوەیەکی سەرکەوتوو کۆتاییهات.

 

زانیاریی زیاتر: لە ڕۆژی یەکەمدا تیمەکانی سەرژمێریی ڕووبەڕووی هیچ گرفتێک نەبوونەتەوە، بەوپێیەش دەتوانن بڵێن کە پڕۆسەکە 100% سەرکەوتنی بەدەستهێناوە.