پێنتاگۆن: هێزەکانمان لە عێراق نزیکەی 80 هێرشیان کراوەتە سەر

ئاڤا نیوز 

وەزارەتی بەرگریی ئەمریکا ڕایدەگەیێنێت، لە ماوەی ساڵی ڕابردوو دا تاوەکو ئێستا هێزەکانیان لە عێراق، سووریا و ئوردن زیاتر لە 200 هێرشیان کراوەتە سەر.

 

وێنە گەورەکە: هێزەکانی ئەمریکا لە عێراق، سووریا و ئوردن، هاوکات ناوچەکە بە گشتی چەندین بنکەی سەربازیی هەیە، لەگەڵ زیادبوونی گرژیی و ئاڵۆزیی لەناوچەکە هێرشەکانیش بۆ سەر بنکە و بارەگاکانی ئەمریکا زیادی کردووە.

 

ڕاگەیێنراوی فەرمی: بە گوێرەی ڕاگەیێنراوەکەی پێنتاگۆن، لە ماوەی نێوان 18-11-2023  تاوەکو 21-11-2024، هێزەکانمان ڕووبەڕووی 206 هێرش بوونەتەوە، بە جۆرێک 79 هێرشیان لە عێراق، 125 لە سووریا و دوو هێرشیش لە ئوردن.

 

بابەتە ستراتیژییەكان: ڕاگەیێنراوەکەی پێنتاگۆن لە کاتێکدایە کە بنکە سەربازییەکانیان لە سووریا لە ماوەی ڕابردوو ڕووبەڕووی چەندین هێرش بوونەتەوە، دوایین جاریش هێرشێکی مووشەکی بوو بۆ سەر بنکەی سەربازی ئەمریکا لە کێڵگەی گازی کۆنیکۆ لە شارۆچکەی دێرەزوور لە ڕۆژهەڵاتی سووریا.