فالح فەییاز مەترسی پێشهاتەکانی سووریا بۆ سەر عێراق دەخاتەڕوو

ئاڤا نیوز

 

سەرۆكی دەستەی حەشدی شەعبی ئاشکرایکرد، عێراق ناتوانێت بێدەنگ بێت، كاتێك گروپە چەکدارەکان سووریا کۆنترۆڵ دەكەن.

 

وێنە گەورەکە: لەپەراوێزی بەشداریکردنی لە دیدارێك لەگەڵ سەرۆك هۆزەکانی پارێزگای نەینەوا كە لە تەلەعفەر کرا، سەرۆكی دەستەی حەشدی شەعبی مەترسی پێشهاتەکانی سووریای بۆ سەر عێراق خستەڕوو.

 

لێدوانی فەرمی: فالح فەییاز، سەرۆكی دەستەی حەشدی شەعبی ڕایگەیاند: پێویستە عێراق خۆی بپارێزێت لەو قەیرانەی ڕووبەڕووی وڵاتێكی دراوسێی بووەتەوە، چونکە پێشهاتەکانی سووریا کاریگەری دەبێت لەسەر عێراق.

 

زانیاریی زیاتر: فەییاز ئەوەی خستەڕوو، عێراق ئەمڕۆ بەهێزە و عێراقەكەی 2014 نییە، دۆخی نەینەواش وەک ساڵی 2014 نییە.