سوودانی و محەممەد بن سەلمان جەخت لەسەر یەکپارچەیی خاکی سووریا دەکەنەوە

ئاڤا نیوز

 

سەرۆکوەزیرانی عێراق و شازادەی جێنشینی سعودیە لە میانی پەیوەندییەکی تەلەفۆنیدا پێشهاتەکانی سەر گۆڕەپانی سوریا و لێکەوتەکانی لەسەر ناوچەکە تاوتوێ کرد.

 

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند: محەممەد شیاع سوودانی، پەیوەندییەکی تەلەفۆنی لەلایەن محەمەد بن سەلمان بن عەبدولعەزیز ئال سعود، شازادەی جێنشینی شانشینی سعودیەوە پێگەیشت.

 

زانیاریی زیاتر: لەمیانی پەیوەندییەکەدا هەردوولا جەختیان لەسەر پێویستی هەماهەنگی هاوبەشی عەرەبی و کارکردن بۆ بەرزکردنەوەی دیالۆگ لە نێوان هەموو لایەنەکانی سووریا و دەستەبەرکردنی ئاسایش و سەروەری و یەکپارچەیی خاکەکەی کردەوە.

 

لەلایەکی دیکە: تاوتوێی پەیوەندییە دووقۆڵییەکانی نێوان هەردوو وڵات و ڕێگاکانی پەرەپێدانیان لە بوارە جیاوازەکان کرا، بە شێوەیەک کە بەرژەوەندی هاوبەشی هەردوو گەلی برا بەدەستبهێنێت.