ئاسایشی نیشتمانیی عێراق: داعش پلانی هەیە هێرش بکاتە گرتووخانەکانی سووریا

ئاڤا نیوز 

 

پلانێکی چەکدارانی داعش ئاشکرا دەبێت و ئاسایشی نیشتمانیی عێراق ئامادەیی دەزگاکە بۆ ئۆپەراسیۆنی بەرفراوان دژی چەکداران لە ناوخۆ و دەرەوە دووپات دەکاتەوە.

 

وێنە گەورەکە: دوای ڕووخانی ڕژێمەکەی بەشار ئەسەد، مەترسیی هێرشی داعش و هەڵاتنی بەندکراوانی ئەو ڕێکخراوە لە سووریا هەیە، بۆ ئەم مەبەستەش وڵاتانی هاوسنوور لەگەڵ سووریا ڕێوشوێنی ئەمنیی تووند بۆ پاراستنی سنوورەکانیان دەگرنەبەر. 

 

لێدوانی فەرمی: عەبدولکەریم عەبد فازڵ، سەرۆکی دەزگای ئاسایشی نیشتیمانیی عێراق بە ڕۆژنامەی "سەباح"ـی عێراقی ڕاگەیاند:

 

٠ تیرۆریستانی داعش پلانیان هەیە هێرش بکەنە سەر گرتووخانەکان لە سووریا کە لە ژێر کۆنتڕۆڵی هەسەدە دایە بۆ ئەوەی هەزاران چەکدارانی خۆیان ئازاد بکەن.

 

٠ هۆشداریشی لەبارەی کاریگەرییەکانی ئەگەری هەڵاتنی تیرۆریستان دا لە گرتووخانەکانی هۆڵ، سەوامع و پیشەسازی لە ڕۆژئاوای سووریا.