بانکی ناوەندی عێراق 49 کۆمپانیا دەخاتە لیستی ڕەشەوە

ئاڤا نیوز 

 

بانکی ناوەندی عێراق لە نوێترین بڕیاریدا 49 کۆمپانیای خستە لیستی ڕەشەوە و دەڵێت، لە ڕێنماییەکانی تایبەت بە گواستنەوەی دارایی سەرپێچییان کردووە.

 

وێنە گەورەکە: دوو ساڵە بانکی ناوەندی عێراق لەژێر ڕێنماییەکانی وەزارەتی گەنجینەی ئەمریکا و بە ڕێکاری نوێ و توندەوە دۆلار بەکۆمپانیاکان دەدات، لەو ماوەیەشدا سەدان بانک و کۆمپانیا لە پێدانی دۆلار دوورخراونەتەوە و بە سپیکردنەوەی پارە تۆمەتبارکراون.

 

نوسراوی فەرمی: عەممار خەڵەف، جێگری پارێزگاری بانکی ناوەندی ڕۆژی 15ـی ئەم مانگە نووسراوێکی دەرکردووە و تێیدا بەهۆی سەرپێچیکردنیان لە ڕێنماییەکانی تایبەت بە سوودمەندبوون لە گواستنەوەی دارایی بۆ دەرەوە، بڕیاری داوە 49 کۆمپانیا سزابدات و چیدیکە لە پەنجەرەی گواستنەوەی دارایی بەشدارییان پێناکرێت.

 

لەناو کۆمپانیا سزادراوەکان چەند کۆمپانیایەکیش هەن کە ناوەکانیان کوردییە و پێدەچێت لە هەرێمی کوردستان بن یاخود خاوەنەکانیان کورد بن، هەر لەناو کۆمپانیا سزادراوەکاندا کۆمپانیای نیشتیمانیی عێراق بۆ پیشەسازیی خۆراک و کۆمپانیای یەکێتیی پیشەسازییە خۆراکییەکانیش ناویان هاتووە.

 

لیستی ناوی کۆمپانیا سزادراوەکان: