بۆچی ترەمپ ساڵی 2017 بڕیاری کوشتنی ئەسەدی دا؟

ئاڤا نیوز

نووسەری کتێبی "ترس" بەناوی بۆب ودوارد  ئاشکرای دەکات، دوای ئەوەی ساڵی 2017 بەشار ئەسەد چەکی کیمیایی بەکارهێنا، ترەمپ بڕیار دەدات بیکوژێت. بەڵام ڕاوێژکارەکانی پاشگەزی دەکەنەوە.

چیرۆکی سەرەکی: ساڵی 2017 بەشار ئەسەد، سەرۆکی ئەوکاتی سووریا چەکی کیمیایی بەکارهێنا، دواتر هەواڵەکە دەگاتەوە بە دۆناڵد ترەمپ سەرۆکی ئەو کاتی ئەمریکا. ترەمپ زۆر تووڕە دەبێت  و یەکسەر دەسی پەیوەندی بۆ جەیمس ماتیس وەزیری بەرگری ئەمریکا دەکات و دەڵێت دەبێت لەسەر ئەمکارەی ئەسەد لەناو ببرێت.

 

دواتر چی ڕوویدا؟ ڕاوێژکارەکانی هاتوونەتە سەر خەت و داوایان لە دۆناڵد ترەمپ کردووە کەمێک ئارام بگرێت، تاوەکو لایەنە پەیوەندیدارەکان لێکۆڵینەوە دەکەن، دواتر گفتوگۆ بۆ ئەگەری شێوازی کوشتنی و لێکەوتەکانی بەشار ئەسەد دەکەن. دواتر بەم شێوازە ترەمپ هێوردەبێتەوە و لە بڕیارەکەی پاشگەز دەبێتەوە.

 

لێدوانی فەرمی: ئەو نووسەرە ئەمریکیە لەبارەی کەسایەتی دۆناڵد ترەمپەوە دەڵێت، ئەو کەسێکە نەخوێندەوارە و میزاجییە هەر لەخۆیەوە بڕیار دەدات، زوو هەڵدەچێت و هەنگاوی خێرا هەڵدەگرێت.