سێنتۆکم بۆ ئاڤا : لەگەڵ هەسەدە لە ڕۆژئاوای کوردستان بەردەوام دەبین

ئاڤا نیوز

 

فەرماندەی ناوەندیی ئەمریکا لەوەڵامی پرسیارێکی ئاڤا دا دەڵێت، بەردەوام دەبین لە کارکردن لەگەڵ هاوبەشەکانمان لە ڕۆژئاوای کوردستان.

 

لێدوانی فەرمی: بەرپرسێکی باڵای سەربازیی لە فەرماندەیی ناوەندیی ئەمریکا بە ئاڤای ڕاگەیاند، سێنتکۆم بەردەوام دەبێت لە کارکردن لەگەڵ هاوپەیمانان و هاوبەشەکانی [هەسەدە] لە ناوچەکە بۆ درێژەدان بە ئەرکەکەیان بۆ شکستپێهێنانی داعش.

 

زانیاریی زیاتر: پێشتر وتەبێژی وەزارەتی بەرگری ئەمریکا بە ئاڤای گوتبوو، ژمارەی سەربازەکانی ئەمریکا لە سوریا 900 کەسە و بۆ شکستپێهێنانی داعش لەو وڵاتەدا ماونەتەوە.

 

مەترسییە پێشبینی کراوەکان: ئەوە لەکاتێکدا ترسی هێرشی گروپە چەکدارەکانی تەحریرولشام بۆ سەر ڕۆژئاوای کوردستان هەیە و بەدووری چەند کیلۆمەترێک هێزەکانیان لە دەوروبەری کۆبانێ کۆکردووەتەوە.