ئاسایشی ڕووسیا ژمارەیەک هەوڵی تیرۆرکردنی سەربازانی پووچەڵ کردەوە

ئاڤا نیوز

 

هەوڵی تیرۆرکردنی بەرپرسانی باڵای سەربازیی ڕووسیا بەردەوامی هەیە و ڕووسیاش ئۆکرانیا تۆمەتبار دەکات.

ڕاگەیێنراوی فەرمی: دەستەی ئاسایشی فیدراڵی ڕووسیا لەبارە هەوڵی تیرۆرکردنی سەربازانی ڕایگەیاند:

 

- ژمارەیەک هەوڵی تیرۆرکردنی سەربازان و ئەفسەرانی پلەباڵای ڕووسیا کە بەشدارییان لە ئۆپەراسیۆنە تایبەتەکان کردووە پووچەڵ کردووەتەوە.

 

- جگە لەو سەربازانە، خێزانەکانیشیان لەلایەن هێزە تایبەتەکانی ئۆکراینا پلانی تیرۆرکردنیان داڕێژراوە.

 

- چوار هاووڵاتیان بەتۆمەتی کارکردن لەگەڵ هەواڵگریی ئۆکراینا دەستگیرکردووە کە پلانیان دانابوو لەڕێگەی بۆمبی چێنراوەوە بەرپرسانی ڕووسیا بکەنە ئامانج.

 

باکگراوند: هەفتەی پێشوو ئیگۆر کێریلۆف، فەرماندەی بەرگریی تیشک و کیمیایی و بایۆلۆجیی ڕووسیا و جێگرەکەی لە ئەنجامی تەقینەوەی بۆمبێک لە مۆسکۆ کوژران، دواتر ئۆکرانیا ڕایگەیاند: لە بەرامبەر بەکارهێنانی چەکی کیمیایی لە وڵاتەکەیان ئەو بەرپرسەی ڕووسیان کوشتووە.