سوودانی: کۆکردنەوەی چەک لە دەستی دەوڵەت بەشێکە لە کارنامەی حکومەت

ئاڤا نیوز

 

لەمیانی چاوپێکەوتنێکی تەلەفزیۆنیدا سەرۆکوەزیرانی عێراق ئاشکرایکرد، یەکێک لە کارنامەی حکومەتەکەی ئەوەیە چەک تەنیا بەدەست دەوڵەتەوە بێت. هەروەها لەگەڵ سەرجەم هێزە سیاسییەکان کاردەکەن بۆ جێبەجێکردنی ئەو یاسایە.

لێدوانی فەرمی: محەممەد شیاع سوودانی سەرۆکوەزیرانی عێراق ڕایگەیاند،  پەیوەندیەکانمان لەگەڵ ئەمریکا و ئێران و سعوودیە زۆر باشن، هاوکات عێراق ڕێگە نادات بەهیچ هێز و لایەنێک ڕاپێچی ململانێی و جەنگی ناوچەکەی بکەن و بڕیاری شەڕ و ئاشتیش لای بەغدا خۆیەتی.

 

سەرۆکوەزیرانی عێراق ئاماژەی بەوەش دا، عێراق ڕێگە نادات گرووپە چەکدارەکان سنوورەکانی عێراق لەگەڵ سووریا ببەزێنن و هیوادارە هەماهەنگی لەنێوان بەغدا و دیمەشق بۆ کۆنترۆڵکردنی سنوورەکان لەو پەڕی باشیدابێت.

 

لەلایەکی دیکە: سەبارەت بەو دەنگویانەی باس لە هاتنی ماهیر ئەسەد دەکەن بۆ عێراق دوای ڕوخانی حکومەتەکەی بەشار ئەسەد،  سوودانی جەختی لەوە کردەوە، ئەو دەنگۆیانە دوورن لەڕاستییەوە و ماهیر ئەسەد  دوای ڕووخانی ڕژێمی سووریا نەهاتووەتە نێو خاکی عێراقەوە.