دەست بەسەر 16 کیلۆگرام لە ماددەی هۆشبەری جۆری ماریگوانا دا گیرا

ئاڤا نیوز

لە بەغدا هێزە ئەمنییەکانی عێراق دەستیان بەسەر بڕێك ماددەی هۆشبەر لە جۆری ماریگوانا دا گرت کە بە شێوازێکی سەیر لەنێو مێز و کورسی حەشار درابوو.

 

وێنە گەورەکە: ئامارەکانی بەکارهێنان و بازرگانیکردن بە ماددەی هۆشبەر بەشێوەیەک زیادی کردووە کە ڕێکخراوە خۆماڵی و نێودەوڵەتییەکان هۆشدارییان داوە عێراق ببێتە ناوەندێک بۆ بڵاوبوونەوەی ئەو ماددانە لە ناوچەکەدا، ڕۆژانەش هێزە ئەمنییەکانی عێراق بەکارهێنەران و بازرگانانی ئەو مادانە دەستگیر دەکەن.

 

بڵاوکراوەی فەرمی: ئەمڕۆ هەینی 27-12-2024 شانەی ئەمنیی عێراق گرتە ڤیدیۆیەکی بڵاو کردەوە کە لە ئۆپەراسیۆنێکدا  توانراوە دەست بەسەر 16 کیلۆگرام لە ماددەی هۆشبەر، لە جۆری ماریگوانا دا بگیرێت.

 

لە گرتە ڤیدیۆکە دەرکەوتووە، بازرگانەکە بە شێوازێکی زۆر ورد ماددە هۆشبەرەکانی لەنێو چەند مێز و کورسییەکی نوێی بەکارنەهاتوو حەشار دابوو.