وەزارەتی گەنجینەی ئەمریکا ڕووبەڕووی هێرشی ئەلیکترۆنی دەبێتەوە

ئاڤا نیوز

وەزارەتی گەنجینەی ئەمەریکا ڕووبەڕووی هێرشێکی ئەلیکترۆنی بووەتەوە و کاربەدەستانی ئەمریکاش ئاماژە بە دەستنیشانکردنی تاوانبارەکە دەکەن. 

 

ڕاگەیێنراوی فەرمی: وەزارەتی گەنجینەی ئەمەریکا لە نامەیەکدا کە بۆ کۆنگرێسی ناردووە ڕایگەیاند، لە 8-12-2024 هێرشێکی ئەلیکترۆنی کراوەتە سەر گەنجینەی ئەمریکا و بە ڕووداوێکی گەورە ناوی دەبات، هاوکات باس لەوە دەکات هیچ زیانێک بەر گەنجینەی ئەمریکا نەکەوتووە. 

 

زانیاریی بەدەستهاتوو: وەزارەتەکە وردەکارییەکانی نەخستەڕوو کە چەند وێستگەی کارکردن دەستی ئەو هێرشکارەی پێگەیشتووە یاخود چ جۆرە بەڵگەنامەیەکیان دەستکەوتووە.

 

ئەوەی لەبارەیەوە دەگوترێت: ئەمریکا، چینی بە ئەنجامدانی ئەو هێرشە تۆمەتبار کردووە و دەڵێت: هێرشەکە لایەنێک ئەنجامیداوە کە چین پشتیووانی دارایی دەکات.

 

بوچوونی لایەنی بەرامبەر: وتەبێژی باڵیۆزخانەی چین لە واشنتن دی سی تیڤی ڕاگەیاندووە، ئەو تۆمەتەی ئەمریکا هیچ بنەمایەکی ڕاستیی بۆ نییە.