مەشهەدانی داوای کۆبوونەوەیەکی نائاسایی بۆ درێژکردنەوەی تەمەنی کۆمیسیۆن دەکات

ئاڤا نیوز

 

سەرۆکی پەرلەمانی عێراق داوای کۆبوونەوەیەکی نائاسایی پەرلەمان دەکات بەمەبەستی دەنگدان لەسەر درێژکردنەوەی تەمەنی ئەنجوومەنی کۆمیسیارانی کۆمیسیۆنی هەڵبژاردنەکان.

 

ئەوەی پێویستە بیزانیت: ڕۆژی 6-1-2025 تەمەنی یاسایی ئەنجوومەنی کۆمیسیارانی کۆمیسیۆنی هەڵبژاردنەکانی عێراق کۆتایی دێت، بۆیەش کۆمیسیۆن داوای درێژکردنەوەی ماوەی کارەکانی کردووە، بەمەبەستی ئامادەکاریی بۆ هەڵبژاردنی پەرلەمانی عێراق کە بڕیارە کۆتایی ئەمساڵ بکرێت.

 

ڕاگەیێنراوی فەرمی: مەحموود مەشهەدانی، سەرۆکی پەرلەمانی عێراق لە ڕاگەیێنراوێکدا ئاماژەی بەوەكردووە، پاڵپشت بە دەستوور و پەیڕەوی ناوخۆی پەرلەمان و لەسەر داوای ئەنجوومەنی کۆمیسیارانی کۆمیسیۆنی هەڵبژاردنەکان، داوای کۆبوونەوەیەکی نائاسایی پەرلەمان دەکات.

 

لەلایەکی دیکەوە: ئەنجوومەنی کۆمیسیاران پاڵپشت بە یاسای ژمارە 31ی ساڵی 2019ی کۆمیسیۆن کە هەموار کراوەتەوە، نوسراوی بۆ درێژکردنەوەی تەمەنی یاسایی کردووە، مەشهەدانیش داوایکردووە کۆبوونەوەی پەرلەمان لەسەر ئەو بابەتە ڕۆژی یەکشەممەی داهاتوو (5-1-2025) سازبکرێت.