گەشتە ئاسمانییەکانی نێوان بەغدا و دیمەشق دەستپێدەکەنەوە

ئاڤا نیوز

 

گەشتە ئاسمانییەکانی نێوان عێراق و سووریا بۆ یەکەمجار دوای ڕووخانی دەسەڵاتی بەشار ئەسەد لە سووریا دەستپێدەکەنەوە.

 

وێنە گەورەکە: بڕیارە ڕۆژی حەوتی ئەم مانگە گەشتە ئاسمانییەکانی فڕۆکەخانەی دیمەشق دەستپێبکەنەوە، دوای ئەوە لە ڕۆژانی داهاتوو گەشتەکانی نێوان عێراق و دیمەشق دەستپێدەکەنەوە.

 

لێدوانی فەرمی: مازن شبلی، بەڕێوەبەری فڕۆکەخانەی بەغدا بە ئاڤا میدیای ڕاگەیاند: سبەی سێشەممە هیچ گەشتیکمان نییە بۆ دیمەشق، بەڵام وا بڕیارە ڕۆژی پێنجشەممە یان هەینی داهاتوو کۆمپانیای "ئەجنیحەی شام"ی سووریا بۆ فڕۆکەوانی گەشتەکانیان لە بەغداوە بۆ دیمەشق و بە پێچەوانەوە، دەستپێبکەنەوە.

 

ئەوەی پێویستە بیزانیت: پێشتر سەرۆکی دەستەی فڕۆکەوانی مەدەنی و گواستنەوەی سووریا ڕایگەیاندبوو، فڕۆکەخانەی نێودەوڵەتیی دیمەشق لە ڕۆژی سێشەممەوە 07-01-2025، دەست بە گەشتە نێودەوڵەتییەکانی دەکاتەوە.