15 هەزار پارچە زەوی لە زاخۆ  بەسەر فەرمانبەراندا دابەشدەکرێت

ئاڤا نیوز

 

 

ئیدارەی سەربەخۆی زاخۆ ئامادەسازی بۆ قۆناغی دووەمی دابەشکردنی زەوی بەسەر فەرمانبەران دەکات، زەوی زیاد لە پێویست ئامادەکراوە و دوای گەڕانەوەی ڕەزامەندی بە قۆناغ تیروپشک بۆ دابەشکردنیان دەکرێت.

 

 

وێنە گەورەکە: قۆناغی یەکەمی دابەشکردنی زەوی لە زاخۆوە دەستیپێکرد و نزیکەی پێنج هەزار کەس سوودمەند بوون، بۆ قۆناغی دووەم بەشێوەیەکی سەرەتایی ڕەزامەندی بۆ نزیکەی 13 هەزار کەس وەرگیراوە و دوای گەڕانەوەی ناوەکان تیروپشکیان بۆ دەکرێت.

 

لێدوانی فەرمی: ئیدریس عەبدوڵڵا، جێگری سەرۆکی شارەوانی زاخۆ بە ئاڤا میدیای ڕاگەیاند، "15 هەزار پارچە زەوی لە سنووری ئیدارەی سەربەخۆی زاخۆ ئامادەن و دوای گەڕانەوەی ڕەزامەندی فۆڕمەکان لە ئەنجوومەنی وەزیران بە قۆناغ تیروپشک بۆ دابەشکردنیان دەکەین."

 

ئەمەش بزانە: وەزارەتی شارەوانی و گەشتوگوزاری هەرێمی کوردستان قۆناغی دووەمی دابەشکردنی زەوی فراوان دەکات و سەرووی 50 هەزار پارچە زەوی لەو قۆناغە دابەش دەکرێت.