ژمارەیەک کورسی خۆڕایی ماستەر و دکتۆرا لە تورکیا ڕاگەیێنران

ئاڤا نیوز 

وەزارەتی خوێندنى باڵا و توێژینەوەی زانستی، لێکگەیشتنى هاوبەشی بۆ ئاڵوگۆڕى زانستى و ئەکادیمى و پێشکەشکردنى زەمالەى خوێندنی بە فێرخوازانى هەرێمى کوردستان لە وڵاتی تورکیا ئەنجامدا.

ڕاگەیێنراوی فەرمی: لە ئەنجامى سەردانى ساڵى ڕابردووى وەزیرى خوێندنى باڵا و توێژینەوەى زانستى بۆ وڵاتى تورکیا و بەسەرکردنەوەى دامەزراوەکانى ئەو وڵاتە و ئەنجامدانى لێکگەیشتنى هاوبەش بۆ ئاڵوگۆڕى زانستى و ئەکادیمى و پێشکەشکردنى زەمالەى خوێندن بە قوتابیانی هەرێمى کوردستان،  تورکیا 13 کورسى خوێندنى ماستەرو دکتۆرای لە بوارى جیا جیا پێشکەش بە وەزارەتی خوێندنی باڵا و توێژینەوەی زانستی دەکات.

زانیاریی زیاتر: وەزارەتى خوێندنى باڵا و توێژینەوەى زانستى مامۆستایان و فەرمانبەرانى وەزارەتى خوێندنى باڵا و سەرجەم وەزارەتەکانى دیکە ئاگادار دەکاتەوە، دەتوانن داواکارى بۆ ئەم زەمالەیە پێشکەش بکەن بەم شێوەیەى خوارەوە:

- هەشت کورسی بۆ دامودەزگاکانی وەزارەتی خوێندنی باڵا و توێژینەوەی زانستی.

 

 

- پێنج کورسی بۆ وەزارەتەکانی دیکە.

 

ئەوەی پێویستە بیزانیت: هەر کەسێک سەرباری مەرج و ڕێنماییەکانی زەمالەى تورکیا، مەرجەکانی تری تێدا بەرجەستە بێت و ئارەزووی خوێندن لە وڵاتی تورکیا بکات داواکاری لە ڕێگەی ئەم لینکەوە پیشکەش بکات.