ترەمپ: هیوادارم کێشەی ئەتۆمیی ئێران بە بێ هێرشی ئیسرائیل چارەسەر ببێت

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند هیوادارە قەیرانی ئەتۆمیی ئێران چارەسەر ببێت بە بێ ئەوەی ئیسرائیل ناچار بێت هێرش بکاتە سەر ئێران.

لێدوانی فەرمی: لە وەڵامی پرسیارێکی ڕۆژنامەنووسان سەبارەت بەوەی، ئایا ئەمریکا پشتیوانی لە ئیسرائیل دەکات کە هێرش بکاتە سەر دامەزراوە ئەتۆمییەکانی ئێران، ترەمپ گوتی:

- "من وەڵامی ئەم پرسیارە نادەمەوە". ئاماژەی بەوەش کرد کە بەمزووانە لە سەر ئەو بابەتە لەگەڵ بەرپرسانی باڵای وڵاتەکەی گفتوگۆ دەکات.

- بە ڕاستی شتێکی باش دەبوو ئەگەر بتوانرایە بە بێ ئەو هێرشە ئەم کێشەیە چارەسەر بکرایە، هیوادارم ئێران دەست بکات بە مامەڵە لەسەر ئەم بابەتە، ئەگەر واش نەکات، نابێتە کێشە.

ئەمەش بزانە: ترەمپ پێشتر ڕەخنەی لە جۆ بایدن گرتبوو کە بۆچی داوای لە ئیسرائیل کردووە لە وەڵامی هێرشە مووشەکییەکەی ئێراندا هێرش نەکاتە سەر دامەزراوە نەوتی و ئەتۆمییەکانی ئەو وڵاتە.