فۆتۆگرافەرێک مێژووی 30 ساڵی هەولێر لە ڕێگەی گەلەریییەکەوە پیشان دەدات

ئاڤا نیوز

 

مێژووی چالاکی و ڕووداوەکانی زیاتر لە 30 ساڵی ڕابردووی هەولێر لە گەلەری 'مەحموود هەولێری' نمایشکران.

 

چیرۆکی سەرەکی: لە گەڕەکی عەرەبان لە شاری هەولێر، مەحموود هەولێری گەلەری تایبەت بە وێنەکانی کردۆتەوە، تیایدا سەدان وێنەی چالاکی جۆراوجۆر و ڕووداو و بۆنەکانی هەولێر نمایشکراون و گەلەریەکەش بەردەوام کراوەیە.

 

لێدوانی فەرمی: وێنەگر، مەحموود هەولێری بە ئاڤا نیوزی گوت: لە ساڵی 1986ەوە دەستم بەکاری وێنەگرتن کردووە و تا ئێستا بەردەوامم، بیرۆکەی دامەزراندنی ئەم گەلەریش لەوە سەرچاوەی گرت کە ئەرشیفی زیاتر لە سی ساڵی فۆتۆگرافەریم لە شوێنێک بپارێزرێت.

 

زانیاریی زیاتر: ئەم گەلەریە وێنەی سەرجەم خولەکانی پەرلەمانی کوردستان ، بۆنە نەتەوەیی و چالاکییە جۆراوجۆرەکان، قارەمانیەتی پێشمەرگە، هاتنی شاند و نوێنەری وڵاتان بۆ هەرێمی کوردستا ، دەستکەوت و یارییە وەرزشییەکان، کەسایەتییە سیاسی و کۆمەڵایەتی و ئاینییەکانی لەخۆگرتووە.