تۆڕێكی بازرگانی ماددەی هۆشبەر لەنێوان هەولێر و بەغدا و بەسڕە هەڵوەشێنرایەوە

ئاڤا نیوز

تۆڕێكی بازرگانیكردن بە ماددەی هۆشبەر لە نێوان بەغدا و هەولێر و بەسڕە هەڵوەشێنرایەوە، تۆڕەكە لە 12 كەس پێكهاتبوو.

ڕاگەیێنراوی فەرمی: وەزارەتی ناوخۆی عێراق بڵاویكردەوە: بەڕێوەبەرایەتی گشتیی كاروباری ماددە هۆشبەرەكان بە هەماهەنگی لەگەڵ بەڕێوەبەرایەتی ماددە هۆشبەرەكانی هەرێمی كوردستان، توانیویانە تۆڕێكی بازرگانیكردن بە ماددە هۆشبەرەكان هەڵبوەشێننەوە.

زانیاری زیاتر: تۆڕەكە لە 12 تۆمەتبار پێكهاتووە و دەستگیركراون، كە لەنێوان هەولێر و بەغدا و بەسڕەدا كاریان كردووە، جگە لەوەش دەست بەسەر 30 كیلۆگرام ماددەی كریستاڵدا گیراوە.

 

بۆچی گرنگە: ماددەی هۆشبەر جگە لەوەی زیان بە تەندروستی و شێوازی ژیانی مرۆڤ دەگەیێنێت، لەڕووی دارایییەوە زیانێكی زۆر بە كۆمەڵگە دەگەیێنێت، بەكارهێنان و بازرگانیكردن پێیەوە لە عێراق ڕووی لە هەڵكشان كردووە.