ژمارەیەک زیندانی فەڵەستینی لەلایەن ئیسرائیلەوە ئازاد دەکرێن

 

ئاڤا نیوز

لە قۆناغی یەکەمی ڕێککەوتنی ئاگربەستی نێوان ئیسرائیل و حەماس، ئاڵوگۆڕکردنی بارمتە و دیلەکان بەردەوامە.

چیرۆکی سەرەکی: ئەمڕۆ پێنجشەممە، ئیسرائیل ژمارەیەک زیندانی فەلەستینی ئازاد دەکات لە بەرامبەر ئازادکردنی سێ بارمتەی ئیسرائیلی لەلایەن حەماسەوە لە غەززە، ئەمەش لە چوارچێوەی ڕێککەوتنی  ئاگربەست و ئاڵوگۆڕکردن.

ڕاگەیێنراوی فەرمی: نووسینگەی بنیامین نەتانیاهۆ ڕایگەیاند: لەم هەفتەیە حەماس 11 بارمتە ئازاد دەکات، هەشتیان لە ڕۆژی پێنجشەممە ئازاد دەکات، سیانیان ئیسرائیلین و پێنجیان هاووڵاتی تایلەندن، لە بەرامبەردا ئیسرائیل 32 زیندانی فەڵەستینی ئازاد دەکات کە سزای زیندانی هەتا هەتاییان بەسەردا سەپێنرابوو.

لەلایەکی دیکەوە: حەماس،  ئیسرائیلی تۆمەتبار کرد بە ڕێگریکردن لە گەیشتنی هاوکارییە مرۆییەکان بۆ ناو کەرتی غەززە، هۆشدارییدا لەوەی کاریگەری لەسەر جێبەجێکردنی ڕێککەوتنی ئاگربەست و ئازادکردنی زیندانییەکان هەبێت.