جارێکی دیکە پارتی و یەکێتی لەسەر پێکهێنانی حکومەت کۆدەبنەوە

ئاڤا نیوز

 

بڕیارە کاتژمێر 12:00ـی نیوەڕۆی ئەمڕۆ بۆ پێنجەم جار پارتی و یەکێتی لە هەولێر کۆببنەوە و گفتوگۆ لەبارەی هەنگاوەكانی پێكهێنانی كابینەی دەیەمی حكومەتی هەرێمی كوردستان بکەن.

 

وێنە گەورەکە: پارتی و یەکێتی هەوڵەکانیان بۆ پێکهێنانی کابینەی نوێی حکومەتی هەرێمی کوردستان خێراتر کردووە، تاوەکو ئێستا چوار کۆبوونەوە لەلایەن شاندی تەکنیکی هەردوولا لەو بارەیەوە کراون، تێیدا تاوتوێی شەراکەتی هەردوولا لە حکومەت کراوە.

 

لێدوانی فەرمی: د. ڕێواس فایەق، ئەندامی مەكتەبی سیاسیی یەكێتی لە کۆنگرەیەکی ڕۆژنامەوانیدا ڕایگەیاند: بەشێکی زۆری ئەرکەکانی خۆمان وەک شاندی تەکنیکی تەواوکردووە، هاوکات ئەو خاڵانەی بۆ پێکهێنانی حکومەت لەسەری ڕێککەوتوون، زیاترە لەو خاڵانەی ماونەتەوە.

-جیاوازیمان هەیە لەو میکانیزمانەی دەمانەوێت پرۆسەکەی پێ بەڕێوە ببەین. 
-هیوادارم ئەوەی ئێمە نەمانتوانی ڕێک بکەوین لەسەری، لیژنەی باڵای دانوستان بگاتە ڕێککەوتن.