لە ڕووداوی کەوتنەخوارەوەی فڕۆکەیەکی بچووک لە بەڕازیل دوو کەس گیانیان لەدەستدا

ئاڤا نیوز

ئەمڕۆ فڕۆکەیەکی بچووک لە شاری ساوپاولۆی باشووری بەڕازیل خۆی کێشا بە سەر ڕێگایەکی قەرەباڵغدا و بەهۆیەوە چەندین کەس بریندار بوون و دوو کەسیش گیانیان لەدەستدا

چیرۆکی سەرەکی:  بەرەبەیانی ئەمڕۆ هەینی فڕۆکەیەکی بچووک لە جۆری (Beech F90 King Air) لە فڕۆکەخانەی کامپۆ دی مارتەوە فڕیوە، بەڵام تاوەری کۆنترۆڵ چەند خولەکێک پێش کەوتنەخوارەوەی فڕۆکەکە پەیوەندییان لەگەڵ فڕۆکەکەدا لەدەستداوە و دواتر فڕۆکەکە کەوتۆتە خوارەوە و لە ڕێگەیەکی قەرەباڵغ خۆی بە پاسێکدا کێشاوە، کە بووەتە هۆی گیان لەدەستدانی دوو سەرنشینی فڕۆکەکە و تاوەکو ئێستاش هۆکاری کەوتنی فڕۆکەکە نادیارە.

ڕاگەیێنراوی فەرمی: بەپێی ڕاگەیێنراوی پۆلیس، دوو سەرنشینی فڕۆکەکە سووتاون و شەش کەسی دیکەش برینداربوون، فریاکەوتنی ئاگرکوژێنەوە پێنج کەسیان ڕزگار کردووە و بەرپرسانیش لێكۆڵینەوە بۆ هۆکاری کەوتنەخوارەوەی فڕۆکەکە دەکەن.