ئۆکراینا لە بەرامبەر پاراستنی، کانزای دەگمەن دەداتە ئەمریکا

ئاڤا نیوز

 

ڤۆلۆدیمێر زێلێنسکی، سەرۆکی ئۆکراینا، پێشنیاز دەکات لەگەڵ ئەمریکا لە بواری سەرچاوە سرووشتییەکان هاوبەشی هەبێت و لە بەرامبەریشدا ئەمریکا لە ڕووی داراییەوە پاڵپشتی ئۆکراینا بکات لە شەڕی دژ بە ڕووسیا.

ئەوەی پێویستە بیزانیت: بەگوێرەی پێشنیازەکەی زێلێنسکی، ئۆکراینا کانزا دەگمەنەکانی ناو زەوی دەداتە ئەمریکا تاوەکو ترەمپ ڕازی بێت بەوەی ئەمریکا بەردەوام بێت لە دابینکردنی پاڵپشتی دارایی و سەربازی بۆ ئەو وڵاتە لە شەڕی دژ بە ڕووسیا.

زانیاریی زیاتر: زێلێنسکی ئامادەیی خۆی بۆ ڕێککەوتن لەگەڵ ترەمپ بۆ ئەم مەبەستە دەربڕیوە و ئەوەشی گوتووە کە ئێستا کەمتر لە 20٪ لە سەرچاوە کانزاییەکانی ئۆکراینا و هەروەها نزیکەی نیوەی کانزا زەمینییە دەگمەنەکانی وڵاتەکەی لەو ناوچانەدان کە لە ژێر داگیرکاریی ڕووسیادان.

ئەمەش بزانە: ئەم کانزا دەگمەنانە لە بوارەکانی ئامێری ئەلیکترۆنیی پێشکەوتوو، بزوێنەری ئەلیکترۆنی و کەرەستەی ئەلیکترۆنیی دیکەدا بەکار دەهێنرێن و گرنگن.