دەوامی دامودەزگاکانی عێراق بۆ مانگی ڕەمەزان کەمدەکرێتەوە

ئاڤا نیوز

 

بەبۆنەی هاتنی مانگی ڕەمەزان، دەوامی سەرجەم دامودەزگاکانی حکومەتی عێراق یەک کاتژمێر کەمدەکرێتەوە.

 

ڕاگەیێنراوی فەرمی: ئەمینداریەتیی ئەنجوومەنی وەزیرانی عێراق ڕایگەیاند: "لەسەر فەرمانی محەممەد شیاع سوودانی، سەرۆكوەزیرانی عێراق بەبۆنەی هاتنی مانگی ڕەمەزان، دەوام لە تەواوی دامودەزگاكانی حكومەت كەمكراوەتەوە".

 

زانیاریی زیاتر: دەوامی ئەو دامودەزگایانە تاوەکو کاتژمێر یەكی دوای نیوەڕۆ بەردەوام دەبێت و بڕیارەکە تەنیا بۆ مانگی ڕەمەزانە.

 

ئەوەی پێویستە بیزانیت: پێشتر نووسینگەی عەلی سیستانی، مەرجەعی باڵای شیعەکانی عێراق ڕایگەیاندبوو کە ڕۆژی 12ـی ئاداری وەک یەکەم ڕۆژی مانگی ڕەمەزانە.