یەكێتی دیداری خۆی دەباتە مووسڵ

ئاڤا نیوز

 

یەكێتیی نیشتمانیی كوردستان دووەم دیداری خۆی دەباتە شاری مووسڵ و قوباد تاڵەبانی سەرپەرشتیی دەكات.

 

زانیاریی بەدەستهاتوو: ئەمڕۆ شەممە 15-2-2025، لەژێر ناونیشانی "بە دیدگەی نوێ، بەهێزی، بەرەوپێشچوون و خزمەتگوزاری" یەكێتی دووەمین دیداری خۆی بە بەشداریی دەیان كادیری حیزبەكە لە شاری مووسڵ بەڕێوەدەبات و لەلایەن قوباد تاڵەبانییەوە سەرپەرشتی دەكرێت.

 

لەلایەكی دیكەوە: بەپێی میدیاكانی یەكێتی ئامانجی دیدارەكە داڕشتنەوە و تاووتوێكردنی دیدگەی نوێ و ئامادەكاریی یەكێتییە بۆ قۆناغی نوێی سیاسی و حكومڕانی لە هەرێمی كوردستان.

 

باكگراوند: یەكەم دیداری یەكێتی لە 12-3-2022 لە سلێمانی بەڕێوەچوو و چەند لیژنەیەك بۆ بۆ داڕشتنی پلانی نوێی كاركردنی حیزبەكە پێكهێنرا و لە 31-5-2022 كۆتایی هات.