لە مانگی ڕەمەزاندا بەردەم قەڵای هەولێر جیاواز دەبێت

ئاڤا نیوز

 

بڕیارە لە ماوەی مانگی ڕەمەزاندا دەیان کۆمپانیای فرۆشتنی خۆراک لە  سەنتەری شاری هەولێر، شوێنی تایبەت بە فرۆشتنی کاڵاکانیان دابنێن و بە نرخێکی هەرزان بیفرۆشن.

 

وێنە گەورەکە: ساڵانە لە مانگی ڕەمەزاندا لە شارەکانی هەرێمی کوردستان لەلایەن پارێزگا و قایمقامیەتەوە، خزمەتگوزرای جیاواز وەک ئاسانکاری بۆ هاونیشتمانیان پێشکەش دەکرێت. 

 

لێدوانی فەرمی: نەبەز عەبدولحەمید، قایمقامی هەولێر بە ئاڤا میدیای ڕاگەیاند، پلانەکە ئەوەیە لە شەقامی بەردەم بازاڕی نیشتمان تا نزیک قەڵای هەولێر  کۆمپانیاکان بەرهەمی خۆیان بە نرخی گونجاو دابنێن. هاوکات بە زیادکردنی ئاشکرا کۆمپانیاکان داواکاری بۆ دانانی شوێنەکانیان وەردەگرن.

 

سەربارەت بە نرخی کاڵاکان ئاڤا میدیا زانیویەتی، یەکێک لە مەرجەکان ئەوەیە، پێویستە کۆمپانیاکانی خۆراک لەو نرخەی لە مارکێتەکان دەیفرۆشن، خۆراک و کاڵا بە هەرزانتر بفرۆشنە هاونیشتمانیان.

 

ئەوەی پێویستە بیزانیت: بیرۆکەیەک هەبوو بە درێژایی مانگی ڕەمەزان هاتوچۆی ئۆتۆمبێل بۆ ناو بازاڕ بوەستێنرێت، قایمقامی هەولێر لەوبارەیەوە دەڵێت: ئەوە لە کۆبوونەوە تاوتوێ دەکرێت و جارێ هیچ بڕیارێکی لەو جۆرە نییە.