قۆناغی سێیەمی دابەشکردنی زەوی دەستپێدەکات

ئاڤا نیوز

 

قۆناغی سێیەمی دابەشکردنی زەوی دەستپێدەکات و هەزاران فەرمانبەر و خانەنشینی دیکە  پێشتر زەوییان وەرنەگرتووە لەم قۆناغەدا سوودمەند دەبن.

زانیاریی بەدەستهاتوو: دوو سێ ڕۆژی دیکە ناوەکان دەگەڕێنەوە وەزارەتی شارەوانی و ڕۆژانە شارەوانییەکان دەتوانن ناوەکان لە وەزارەت ببەنەوە و دەست بە تیروپشکی پێدانی زەوییەکان بکرێت.

لێدوانی فەرمی: سەربەست مەولود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی بە ئاڤای ڕاگەیاند، نزیکەی 55 هەزار فۆڕم ڕەوانەی سەرۆکایەتی ئەنجوومەنی وەزیران کراوە، بۆ یەکەمینجار فەرمانبەرانی وەزارەتی کشتوکاڵ و خانەنشینان ناویان تێدایە و سوودمەند دەبن.

ئەوەی پێویستە بیزانیت: ئەم فۆڕمانە بەمشێوەیە بەسەر پارێزگاکانی هەرێمی کوردستان دابەش دەبن:

هەولێر: زیاتر 17 هەزار و 379 فۆڕم
دهۆک: سەرووی 10 هەزار فۆڕم.
سلێمانی و هەڵەبجە: زیاتر لە  11 هەزار فۆڕم

زانیاریی زیاتر: ئەو فۆرمانە ئەگەر دابەشی سەر وەزارەتەکانان بکرێن بەمشێوەیە، 21 هەزاریان وەزارەتی ناوخۆن ، هاوکات ئەو 33 هەزارە و نیوەی دەمێنێتەوە پێکهاتوون لە ژمارەیەک وەزارەت لەوانە: وەزارەتی کشتوکاڵ، هاوکات خانەنشینانیشی تێدان و نزیکەی 8 هەزار کەسن.