زیاتر لە 450 میگاوات کارەبا لە ژێرخانی هەرێمی کوردستان زیادی کردووە

ئاڤا نیوز

بەڕێوەبەری بەرھەمھێنانی کارەبا لە وەزارەتی کارەبای حکومەتی ھەرێمی کوردستان دوایین داتای مێگاواتەکانی کارەبا بۆ ئاڤا میدیا ئاشکرا دەکات و دەڵێت، زیاتر لە 450 میگاوات کارەبا لە ژێرخانی هەرێمی کوردستان زیادی کردووە.

وێنە گەورەکە: هەوڵەکانی حکومەتی هەرێمی کوردستان بۆ پتەوکردنی ژێرخانی کارەبا و دابینکردنی کارەبای 24 کاتژمێری بۆ هاووڵاتیان بەردەوامە، هاوکات بە فەرمانی سەرۆکوەزیران مەسرور بارزانی دەبێت تاوەکو ساڵی 2026 کارەبای 24 کاتژمێری بۆ تەواوی هەرێمی کوردستان دابین بکرێت.

لێدوانی فەرمی: فارس میرخان، بەڕێوەبەری بەرھەمھێنانی کارەبا لە وەزارەتی کارەبا بە وەکالەت بە ئاڤا میدیای ڕاگەیاند:

- ژێرخانی کارەبای هەرێمی کوردستان بۆ هەشت هەزار و دووسەد مێگاوات بەرزبووەتەوە و سووتەمەنی تەنها بۆ نزیکەی چوار ھەزار مێگاوات دابین دەکرێت، ئەگەر پێدانی غاز و سووتەمەنی زیاتر بکرێت، ئەوا پێدانی کارەبا زیاتر دەبێت.

- بەراورد بە سێ مانگی ڕابردوو، 450 میگاوات لە ژێرخانی کارەبا زیادی کردووە.