پەیامێک لە ڕێباز حەملانەوە لەبارەی دەستلەکارکێشانەوەی لە بەغدا

ئاڤا نیوز

ڕێباز حەملان، بریکاری وەزارەتی دارایی عێراق پەیامێکی لەسەر هەڵوێستەکانی لە بەغدا و دەستلەکارکێشانەوەکەی لە وەزارەتی دارایی عێراق بڵاوکردەوە.

چیرۆکی سەرەکی: دوای سێ مانگ دەستبەکاربوونی وەک بریکاری وەزارەتی دارایی عێراق، ڕێباز حەملان دەستی لە پۆستەکەی کێشایەوە و دەڵێت، بەرگریم لە مافەکانی ھەرێمی کوردستان کردووە و نابێت لەبەردەم دەستکەوتی ماددی و بەرژەوەندی تایبەت چۆک دابدەییت.

بڵاوکراوەی فەرمی: ڕێباز حەملان، بریکاری وەزارەتی دارایی عێراق پەیامێکی لە تۆڕی کۆمەڵایەتیی فەیسبووک بڵاوکردەوە و ڕایگەیاند: لە بەغدا کەرامەت و مەبدەئی کوردایەتی و کوردستانی بوونم خستە پێش بەرژەوەندیی خۆم، بەکردەیی نوێنەرایەتی کورد و ھەرێمی کوردستانم کرد، بە باوەڕێکی کوردانە.

زانیاریی زیاتر: بەپێی قسەکانی ڕیباز حەملان،  تەیف سامی، وەزیری دارایی عێراق ئەمەی پێ قبوڵ نەبووە و نیگەران بووە، بەم هۆیەوە بەیاننامەی لەسەر دەرکردووە. دواتر لە کۆبوونەوەی فەرمی ئەنجوومەنی وەزارەت کێشەکە زیاتر گه‌وره‌ كراوە، له‌گه‌ڵ خودى وه‌زیر لەبەردەم ھەموو ئامادەبووان کە 24 بەڕیوەبەری گشتی لێ بووە، بووەتە دەمەقاڵێیان و گرژی دروست بووە، ئەویش سازشی نەکردووە و سەرسەختانە داکۆکی لە مافەکانی خەڵکی کوردستان کردووە. هەر بەم هۆیەوە دەستی لەکارکێشاوەتەوە و ئامادەنەبووە بچێتەوە بەغدا.