چارەنووسی ئەو فەرمانبەرانەی فۆرمیان بۆ وەرگرتنی زەوی پڕنەکردووەتەوە چی لێدێت؟

ئاڤا نیوز

ژمارەیەک فەرمانبەر و خانەنشین لە کاتی خۆی بەهۆکاری جیاواز فریانەکەوتوون فۆڕمی وەرگرتنی زەوی پڕبکەنەوە، ئاڤا بەدواداچوونی بۆ کردوون و ئێستا دەتوانن لەڕێگەی وەزارەتەکانیان فۆڕم بنێرن.

 

وێنە گەورەکە: نزیکەی ساڵێکە پرۆسەی دابەشکردنی زەوی لە سەرجەم ناوچەکانی هەرێمی کوردستان دەستیپێکردووە و هەزاران فەرمانبەر و خانەنشین، ئەوانەی پێشووتر سوودمەند نەبووبن پرۆسەکە دەیانگرێتەوە. ئێستا قۆناغی سێیەمی پرۆسەکە جێبەجێ دەکرێت.

 

لێدوانی فەرمی: سەربەست مەولود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی بە ئاڤای ڕاگەیاند، "هەر فەرمانبەر و خانەنشینێک فۆرمی وەرنەگرتبێت دەتوانێت لە ڕێگەی وەزارەتەکەیەوە پێشکەشی بکات، بەڵام دەبێت بسەلمێنرێت کە بە هۆکارێکی تایبەت و لۆژیکی لە وادەی خۆی نەیتوانیوە فۆرمەکە پڕبکاتەوە."

 

ئەمەش بزانە: ئەو فەرمانبەرانەی تاوەکو 01-08-2024، خزمەتیان نەبووبێت بە 8 ساڵ، ناتوانن فۆڕم پڕبکەنەوە، ئەگەر پڕیشی بکەنەوە دوای وردبینی ناوەکانیان دەردەهێنرێت.