کرێکارێک بەتاوانی خواردنی فەلافل دەستگیر دەکرێت

ئاڤا نیوز

لە مانگی ڕەمەزاندا خواردن و خواردنەوەی بە ئاشکرا لە شوێنە گشتییەکانی عێراق قەدەغە کراوە و بەهۆی ئەوەی کرێکارێک لەفەیەکی فەلافل دەخوات پۆلیسی بەغدا هەوڵی دەستگیرکردنی دەدەن، ئێستا گرتە ڤیدیۆیەکەی تۆڕە کۆمەڵایەتییەکانی تەنیوە. 

 

چیرۆکی سەرەکی: دوای ئەوەی کرێکارێک لە یەکێک لە شەقامەکانی بەغدا لە چاوەڕوانی دەستکەوتنی کاردایە بەهۆی ئەوەی برسی دەبێت، لەفەی فەلافل دەخوات و بەهۆیەوە تووشی گرفت دەبێت. 

 

زانیاریی بەدەستهاتوو: گرتە ڤیدیۆیەک لە تۆڕە کۆمەڵایەتییەکان بڵاوبووەتەوە کە دەنگدانەوە زۆری بەدوای خۆیدا هێناوە، لە گرتە ڤیدیۆیەکەدا دەردەکەوێت کە پۆلیس بەغدا تووندوتیژی بەرامبەر کرێکارێک بەکاردەهێنن بەهۆی ئەوەی بە ئاشکرا خواردنی خواردووە. 

 

کاردانەوەکان: بەشێک لەو کەسانەی کە لەو ناوچەیە بوون داوایان لە پۆلیس کردووە لەو کەسە خۆشبن بەڵام گوێیان بۆ نەگرتوون، ئێستا لە سۆشیاڵ میدیاش هەڵمەتێک لە دژی ئەو کردەوەیە دەستی پێکردووە.