ترەمپ دوو کەشتیوان لە بۆشایی ئاسمان ڕزگار دەکات

 

ئاڤا نیوز

دوای چەند مانگێک لە گیرخواردنیان لە بۆشایی ئاسمان، دوو کەشتیوانی ئەمریکا بە فەرمانی دۆناڵد ترەمپ سەرۆکی ئەمریکا گەڕێندرانەوە بۆسەر زەوی.

چیرۆکی سەرەکی: دوو کەشتیوانی ئەمریکی بە ناوەکانی سونیتا ویلیامز و باری ویلمۆر، لە ڕێگەی کەشتی دراگۆنی کۆمپانیای سپەیس ئێکس لە 5ـی حوزەیرانی 2024، بە مەبەستی تاقیکاری چووبوونە وێستگەی بۆشایی ئاسمان و بڕیار بوو تەنیا بۆماوەی هەشت ڕۆژ بمێننەوە بەڵام بەهۆی کێشەیەکی تەکنیکی بۆ ماوەی نۆ مانگ لە وێستگەکە مانەوە.

ئەوەی ئێستا ڕوودەدات: دوو کەشتیوانەکە هاوڕێ لەگەڵ دوو ئەفسەری سوپای ئەمریکا کە بە فەرمانی دۆناڵد ترەمپ چووبوونەوە وێستگەی بۆشایی ئاسمان بۆ گەڕاندنەوەی کەشتیوانەکان، لە ڕێگەی کەپسوولێکەوە گەیشتنەوە سەر زەوی.