بۆ ماوەی كاتژمێرێک هەرێمی كوردستان تاریک دەبێت

ئاڤا نیوز

 

ساڵانە لە کۆتا شەممەی مانگی سێ، ڕێکخراوە ژینگەیی و کەسانی ژینگەدۆست لە یەک کاتدا بۆ ماوەی یەک کاتژمێر گڵۆپ و ئامێرە کارەباییەکان دەکوژێننەوە و مۆم دادەگیرسێنن، ئەمەش وەک هێمایەک بۆ پاراستنی زەوی لە گۆڕانکارییە ژینگەییەکان.

 

وێنە گەورەکە: چالاکییەکانی کاتژمێری زەوی لە کاتژمێر 8:30ـی شەو تا 9:30ـی شەو دەبێت. ماوەی یانزە ساڵە ئەم بۆنە جیهانییە لە هەرێمی کوردستان بەڕێوەدەچێت.

 

لێدوانی فەرمی: مەعروف مەجید، سەرۆکی ڕێکخراوی ئایندە بۆ پاراستنی ژینگە بە ئاڤا میدیای ڕاگەیاند، بڕیارە ئەمڕۆ شەممە 22-3-2025 لە مۆنۆمێنتی هەڵەبجە ئەو بۆنەیە بەرز ڕابگرین، کاتژمێرێک کارەبای ئەو شوێنە دەکوژێنینەوە و مۆم دادەگیرسێنین، هەڵمەتێکی نەمام ڕواندن ئەنجام دەدەین. ئامانجەکە ئەوەیە هاونیشتمانیان هۆشیاری دەستبەخەن لەسەر کەمکردنەوەی کاریگەرییەکانی وزە.

 

لەلایەکی دیکەوە: بڕیارە ڕێکخراوی ئاڤیاری ژینگەیی لە سەنتەری ڕۆشنبیری زانکۆی پۆلیتەکنیکی هەولێر ماوەی کاتژمێرێک گڵۆپ و ئامێرە کارەباییەکان بکوژێننەوە و لەبری ئەوە مۆم هەڵکەن.

 

ئەوەی پێویستە بیزانیت: ڕۆژی کاتژمێری زەوی لە ساڵی 2007ـیەوە لەلایەن دامەزراوەی WWF لە ئوستورالیا پێشنیاز کراوە، ساڵی پار لە حەوت هەزار شار و گوند لە 180 وڵات و ناوچەی جیهان، ئەم چالاکییە ئەنجام دراوە.